اهلا- الارشيف المصري

أم كلثوم كانت من ظرفاء القرن الماضى ..
إضحك من قلبك معاها 🙂
(1 )
حضرت حفل زفاف وأراد احد المدعوين ان يستعرض صوته النشاز فادار احمد رامى ظهره للمغنى نفورا فابتسمت ام كلثوم وقالت له : اتعدل يا رامى احسن الغنا يجى فى ضهرك
( 2 )
فى نقابة الموسيقيين دخل فجأة فنان اديب
معروف أنه بينسى بسرعة فسلم وجلس
بعد فترة سأل أم كلثوم :انا سلمت عليكى؟
فردت على الفور :لأ انا اللى سلمت عليك
( 3 )
فى بداية الخمسينات بعد الثورة مباشرة إلتقت مع جمع من الضباط فقام ضابط بدين بمصافحتها قائلا ( انت مش فاكرانى ) فنظرت الى جسمه الضخم وقالت
على الفور :هو انا حافتكر ايه ولا ايه!!!!!!!
( 4 )
لاحظت أمّ كلثوم أن بليغ يلعب بميدالية المفاتيح بشكل لافت ،وعلى وجهه علامات الابتهاج ، فقالت له :مالك يا بليغ ؟
قال : مش انا اشتريت عربية
قالت له : ألف مبروك ، هي فين ؟
فأشار لها قائلا : تحت
فنظرت أم كلثوم من النافذة ( وكانوا في الدور الثاني ) فوجدت السيارة صغيرة إلى درجة لافتة ، فمالت إلى بليغ قائلة : حلوة يا ابني ..... ما طلّعتهاش معاك ليه ؟
( 5 )
كان الملحن القصبجي مع ام كلثوم في مرة من المرات في القطار فأخرج قلما أسودا وأخذ يصبغ شنبه فقالت :شوفوا الراجل رجع شباب بجرة قلم
( 6 )
كانت ذاهبة ذات يوم الى دار الاذاعة القديمة بشارع الشريفين ، واثناء صعودها سلم المبنى صادفت الشاعر احمد رامى الذى كان نازلا ، فتوقفرامى و اخذ يد ام كلثوم بين يديه و ظل يرحب بها قائلا : ( ازيك يا روحى ؟ ايه اخبارك يا روحى ؟ انت طالعة تعملى ايه يا روحى ؟ ) و لما كانت ام كلثوم فى عجلة من امرها فقد تدخل ابن شقيقها ابراهيم الدسوقى ، الذى كان يرافقها
و قال لاحمد رامى : ( جرى ايه يا استاذ رامى .. انت مش نازل ؟! فردت ام كلثوم بسرعة بديهية قائلة : ( و هو معقولة ينزل و هى روحه طالعة ! )
( 7 )
من حكاوى الست (اول سياره اشترتها جابت سواق الحنطور بتاعها بسوق العربيه ..كان لما يشوف حد قدامه يخبط جامد على باب العربيه ويقوله ضهرك يا استاذ )
(😎
كانت فى حفلة فى بلد احد مراكز سوهاج ، وكانوا بيقولوا بدل حرف القاف ..(جيم) وبعد وصلة غنائية قام راجل من الجمهور يمتدح ام كلثوم ويقول الله عليكى يا جاموس ( قاموس) المغنى ...فردت أم كلثوم قائلة بس فين العجول ( العقول ) اللى تفهم .
----------------------
الصورة أثناء حفل لدعم المجهود الحربى
تراث مصرى