اهلا زجل لا أطيقُ الفَوْضى ولا الكلامَ البَطّال – بقلم أسماء طنوس المكر
_______________________________________
الفَوْضى بتُقتُلَّك الوَقت --- ومـا بِتـحَـقِّـق أهـدافَـك
بتُقـعُـد فكـرك مْـلَبَّـك --- وتِبقى مِش عارف مالَك
____________________________
خَـلِّ تفكـيرَك هـادِىْ --- لا تِـشـغِـلـهُ بِالِـهْــمـوم
إسمع موسيقى هاديه --- صَلِّ لِـرَبَّـك كُـل يـوم
لا تِحـمِل هَـمّ زيـادِه --- وِتـلاقي قَلبَـك مَغـمـوم
ما يْهِمَّك بِاللّي يْعادي --- ولا تْـشـارِكْـهُ أفـكارَك
_____________________________
ما بحِبّ الحَكي السَّخيف --- وّلا الكـلام البَـطّـال
وَلا اللّي عَقلُـه خـفيـف --- ما عِنـدُه شيْ بيِـنقـال
قلبُه ملَوَّن مِش نظـيف --- بيـدَوِّر عَالـقيـل وقـال
دَوِّر عَالقـلب العـفيـف --- دوم بيِعـمـل كِـرمالَـك
