اهلا

زجل النِّعمِه عَطِيِّه منِ السّما – بقلم أسماء طنوس المكر
_______________________________
أللّه الكـريمُ المِعـطاء ---- النِّعمِه دوم بيِعطـينا
اطلُب مِنّو ما بِتـريد ---- مِنّو كُل شي بيِهـدينا
__________________________
أُدعوا بإسمي تَجِدوني---- لا تْشِـكّـوا بِقُـدراتـي
كُل ما طلَبتوا تِلاقوني---- واهِب ليكو عَطِيـّاتي
حارِسكوا جُوّا عيوني---- شايِفكوا مِن سماواتي
لَمّا بَعـطي اشكُروني ---- قولوا غيرو ما ليـنـا
__________________________
إنتـو غَـنَـم مَـرعـايَ ---- أنا راعيـكو الصّالـح
كُل هَـمّي ومُـبتـَغايَ ---- يِبـقى كُل مِنـكو فـالِـح
لَمّـا بتِـمــشي وَرايَ ---- بتسير في دربَك فالِـح
خَلّيـكوا دوم مـَعـايَ ---- قـولـوا وَحْدُه بيِـكفيـنـا