اهلا بِالتّواضُع راح تُرفَع ---- ورايِح يُرفَع مكانَـــك
ولـمّـا لِلّـهِ بتِـخـضـع ---- راح تِتْحــقِّــق آمـالــك
___________________________
وِالتَّـكّبُّــر بــيوَطّــيك ---- وكُل مين بيِرفع حـالُـه
ما بتاخُذ اللي بيِرضيك----وما بترضي ألله جلالُه
والتَّكَيُّر راح يِــأذيــك ---- بتِبقَى محَطَّـم كِرمـالُـه
وإذا بتِنفش ريشَك هَيْك---- ما بتِـتحَقّـق أحلامَــك
____________________________
التّواضُع مِنَ الإيـمــان ---- فِيّو راح تبقى محبوب
فِيّـو بِتـعــيــش بـأمـان----مع الناس انَت المرغوب
لا تِتْـكَبَّـر يا إنــســان ---- مِش رايِح تِبقى مَهيوب
التَّواضُع رِقَّه وحنـان ----بتِـضمَـن فِيّـو حــيـاتَــك
____________________________
في التَّكَبُّر شَـر كبـير ---- بيِخلِق فيك منِ الخصام
على نفسَـك لُه تـأثيـر ---- بتِبقى مـشَـوَّش عَالدّوام
وبالَك مْـعَـكَّر تِعكــيـر---- ما بـتـِرتـاح ولا بِــتـنـام
ودَربَك معَثَّر تَـعثيــر ---- غــيـر الهَـمِّ ما جـالَـــك
