اهلا ابتسام مناع دباح مرشدة اهالي بالتواصل المقرب ليزداد تواصل اولادنا معنا وتخف مشاكلهن والسلوكيات
المزعجه يلي بتضايقنا .المفروض طفلنا يشعر بالانتماء من خلال شعوره بأنه محبوب بدون شروط له قيمه تميز وتفرد بالعائله صاحب قدرات
نعطيه احساس بأنه مهم النا
من خلال طلب المساعدة منهن
نتشاور معهن
وهيك منوصلهن رساله انهن مهمين النا..وانه احنا بالعائله
منساعد بعض
كثير اهل بميلوا يعملوا الاشياء محل اولادهن لانه اسرع واهون من الشرح والجدال..وهيك منساهم بتربية انسان
اناني كسلان ضعيف
لما اولادنا بحسوا انهن اصحاب قدرات الهن فائدة احنا بحاجتهن هذا بقوي احساسهن بالانتماء بالقدرة بعزز قيمتهن وتصورهن الذاتي الايجابي بكونوا بأحسن حالاتهن بشاركوا وبتعاونوامعنا
البيت المكان الاول يلي بذوتوا اولادنا مين هني وشو هني عن طريقنا احنا الاهل
الاهل وسعوا افاقكوا بمسألة المساعدة ان كانت فعليه، استشارة،افكار،حضن وقبله وحتى كلمه تشجيع منهن النا هاي مساعدة كبيرة