اهلا-الصورة جورج خوري

بذكرى اربعين الفقيد الغالي طيب الذكر اليف اسعد حداد
له الرحمه ولكم من بعده طولة البقاء
يا ابو اسعد بذكرى الاربعين
اجتمعت العيلة والقرايب والمحبين

وحتى لو مرق اربعين من السنين
رح بيضل اسمك على السان المخلصين

وعند ما بتلتقي برب العالمين
رح بتشفعلك افعالك تنحضى بجنة الخالدين

العمر ما بينقاس بسنينوا
ولا باليوم اللي ما كنا عايشينوا

العمر بينقاس بافعال ومواقف
للشخص اللي احنا بهالدنيا فاقدينوا

من موت الجسد ما بينخاف
هيدا قدر مكتوب نحنا عارفينوا

لكن الجنة اللي بعدها بتنشاف
هي المصير اللي كلنا رايدينوا

واليوم بعد ما الاخوه افتقدنا
وصار الهم نتناسا وجعنا

اللي بصبرنا عندما كانوا عايشين
ما تركناهم ولا حدى منهم تركنا

كانوا شبل واسد بذات العرين
بقولوا لو افترقنا بهالدنيا بلاخره ما افترقنا

ورح بيظل شوقنا الهم والحنين
ومواقف وافعال بغيابهم خسرنا

لكن اللي بصبرنا عندما نرفع الجبين
كل ما اسمهم على لسانا ذكرنا

تركوا وراهم خميرة بالعجين
وخبزهم بيحضر كل ما اكلنا

يا ابو اسعد ويا ابو نضال بجنة الخالدين
انعموا نحن الكم ياما دعونا

ارتاحوا بعد ما شقيتوا بهالعمر المضين
بس غيابكم عنا ما ريحنا

لكن احنا لذكراكم شاهدين
وسيرتكم رح بتبقى على لسانا كل ما حكينا

كنتم سند ودعم ومعين
تلبوا مطالبنا كل ما الكم قصدنا

وكنتم بهالدنيا لعيالكم طامعين
يحلو محلكم بمحلاتكم كل ما دخلنا

ونشعر كانكم بعدكم حاضرين
عند ما ولادكم يلبوا طلبنا

الخلف ما مات كلمة قالوها من سنين
وشفناها فيهم بعدكم وحضوركم قشعنا

هيذي الحياة اللي فيها مأمنين
وهيذا المصير اللي منه ما هربنا

واحنا اسلام ودروز ومسيحين
بذات القدر نحنا آمنا

وبعد الموت رح منلتقي عند رب العالمين
بجنة خالده كلنا اجتمعنا

له الرحمه ولكم من بعده طولة البقاء
من جورج ورانية خوري