اهلا - مطبخنا باذنجان وفلفل مقلى بالدقة
عشان الباذنجان مايشربش زيت لازم بعد مانغسله و نقشره و نقطعه شرايح متوسطه تكون و لا تخينه و لا رفيعه نرش عليه شويه ملح ونقلبه كويس ونسيبه حوالى نص ساعه او ساعه الا ربع هنلاقيه دبل شويه وعمره ماهيشرب زيت ابدا .
الطريقه
1 - نغسل الباذنجان من الملح عشان مايبقاش حادق ( التكه الثانيه ) و نحطه فى مصفى عشان يصفى المايه قبل القلى عشان ميفرقعش فى الزيت ( التكه الثالثه ) .
2 - نقلى الباذنجان و الفلفل الرومى ( صحيح بدون تقطيع ) وكام قرن فلفل حراق فى زيت ذره أو دوار شمس ( التكه الرابعه ) بيفرق كتير فى الطعم و لون الباذنجان على درجه حراره متوسطه بس نخلى بالنا الفلفل بيفرقع شويه فى الزيت
3 - نطلع الباذنجان والفلفل من الزيت على مناديل مطبخ و نسيبه يبرد شويه .
4 - نجيب سرفيس و نرص فى الارضيه طبقه باذنجان و فلفل رومى جنب بعضها و بعدين نرش شويه دقه فوق الباذجان والفلفل الرومى بالكبشه و هكذا نعملها طبقات فوق بعض نرص طبقه باذنجان وفلفل رومى جنب بعض و نرش فوقهم الدقه بالكبشه لغايه مانخلص كميه الباذنجان و الفلفل كلها .
مكونات و طريقة الدقه
( هنعمل المكونات دى فى طبق او بولة غويطه )
عدد 2 طماطم مكعبات + معلقه كمون كبيره + معلقة كسبره كبيره ناشفه + 5 فصوص توم مفروم ناعم + نص كوب خل + عصير ليمونه و ندوق لو محتاجه ملح نحط مش محتاجه خلاص عشان مايطلعش حادق ( دى على حسب زوق كل واحد فى الاكل )
نحمرالبطاطس و نقدم معاها الجرجير وعيش شامى وبالهنا